Aviso legal

01Quen somos

O titular deste sitio web é o club deportivo que se identifica a continuación:

Para calquera cuestión relacionada con este sitio web podes escribirnos a contacto@abobriga.com. Respondemos por esa mesma vía.

02Que atoparás aquí

Este sitio web é a canle oficial do club. Serve para dar a coñecer a entidade, o equipo e as súas competicións, para tramitar as altas de abonado e para vender equipamento oficial.

Navegar por el é gratuíto e non require rexistrarse. Só se piden datos persoais nos dous formularios —o de abonados e o de pedidos— e ao entrar na porra cunha conta de Google, e sempre para o que se explica na política de privacidade.

03Condicións de uso

Ao usar este sitio comprométeste a facelo conforme á lei e a non empregalo para actividades ilícitas nin lesivas para terceiros ou para o propio club.

Comprométeste tamén a que os datos que facilites nos formularios sexan certos e a mantelos actualizados. Es responsable da información que introduces: se dás de alta a outra persoa, debes contar coa súa autorización.

04Propiedade intelectual

O escudo, o nome «Abóbriga F.C.», os textos, as fotografías, os deseños e o código deste sitio pertencen ao club ou úsanse coa autorización de quen os posúe. Non se poden reproducir, distribuír nin modificar sen permiso escrito.

As marcas, os logotipos e os nomes de patrocinadores, institucións e provedores que aparecen na web son propiedade dos seus respectivos titulares e móstranse só a efectos identificativos.

05Responsabilidade

Poñemos coidado en que a información publicada estea ao día e sexa correcta, pero pode conter erros ou quedar desactualizada. Datos como horarios, prezos, prazos ou composición da plantilla poden cambiar sen aviso previo.

Non respondemos das interrupcións do servizo, dos fallos técnicos alleos á nosa vontade nin dos danos derivados do uso do sitio, salvo nos casos en que a lei o impoña.

06Ligazóns a outras webs

Este sitio enlaza con perfís de redes sociais, con webs de patrocinadores e institucións e coa pasarela de pago de Stripe. Non controlamos eses sitios nin respondemos do seu contido ou das súas políticas de privacidade: ao seguir unha ligazón saes deste sitio e pasas a rexerte polas condicións do destino.

07Lei aplicable

Estas condicións réxense pola lei española. Para calquera controversia, as partes sométense aos xulgados e tribunais que correspondan segundo a normativa vixente; se es consumidor, aos do teu lugar de domicilio.